RURA BASA

RURA BASA

Rura Basa yaiku unen-unen kang ajeg paggonane sanajan salah, ananging kaprah, sinten kemawon sampun mangetosi kekajenganipun. Tembung salah nanging kaprah, sebanjure dadi lumrah dienggo ing masyarakat. Tuladhanipun sawetawis  :

1)        Adang esuk              : maksude adang sega wayah esuk.

2)        Adang sega              : maksude adang beras supaya dadi sega.

3)        Bakul jangan            : maksude wong kang dodol keperluane masak.

4)        Jaga gerdhu             : maksude jaga keamanan manggon ing gerdhu.

5)        Mangan awan          : maksude mangan sega wayah awan.

6)        Mbathik sewek         : maksude mbathik mori supaya dadi sewek.

7)        Mbunteli tempe        : maksude mbunteli kedele godhog dicampuri ragi supaya dadi tempe.

8)        Menek klapa             : maksude menek wit klapa.

9)        Mikul dhawet            : maksude mikul wadah isine dhawet.

10)     Mikul soto                 : maksude mikul kwali isine soto.

11)     Ndhudhuk sumur    : maksude ndhudhuk lemah digawe sumur.

12)     Njahit klambi            : maksude njahit kain supaya dadi klambi.

13)     Negor klapa              : maksude negor wit klapa.

14)     Nenun sarung         : maksude nenun benang supaya dadi kain sarung.

15)     Netel jadah               : maksude netel ketan mateng supaya dadi jadah.

16)     Ngekum landha       : maksude ngekum arenge merang supaya dadi landha.

17)     Ngenam klasa          : maksude ngenam mendhong / pandhan supaya dadi klasa.

18)     Ngenam kepang      : maksude ngenam rambut supaya dadi kepang (rambut klabang).

19)     Ngenam sesek         : maksude ngenam silatan pring supaya dadi sesek.

20)     Nglinting rokok        : maksude nglinting klobot isi mbako lan bumbone supaya dadi rokok.

21)     Nulis layang             : maksude nulisi dluwang / kertas supaya dadi layang.

22)     Nunggu manuk       : maksude nunggu sawah supaya parine ora dipangan manuk

23)     Tangi turu                 : maksude melek bar turu.