URUT
– URUTANE TURUNAN
JENENGE
ANAK MANUNGSA
1)
Ontang-anting : anak siji lanang.
2)
Unting-unting : anak siji wadon.
3)
Uger-uger lawang : anak loro
lanang kabeh.
4)
Kembang sepasang : anak loro
wadon kabeh.
5)
Cukil dulit : anak telu lanang kabeh.
6)
Gotong mayid : ana telu wadon kabeh.
7)
Saramba : anak papat lanang kabeh.
8)
Sarimpi : anak papat wadon kabeh.
9)
Pandhawa : anak lima lanang kabeh.
10)
Pancagati : anak lima wadon kabeh.
11)
Kedhana kedhini : anak
loro, urut lanang wadon.
12)
Kedhini kedhana : anak
loro, urut wadon lanang.
13)
Pancuran kapit sendang : anak telu, wadon
lanang wadon.
14)
Sendang kapit pancuran : anak telu, lanang,
wadon lanang.
15)
Keblat papat : anak papat, urut lanang wadon.
16)
Sepasar : anak lima, lanang, wadon.
17)
Ipil-ipil (pipilan) : anak
lima lanange siji.
18)
Padangan : anak lima wadone siji.
19)
Pandhawa nyandhangi : anak enem wadone
siji sing ragil.
20)
Kembar dhampit : anak
loro lanang wadon, laire bareng.
21)
Kembar : anak luwih saka siji lanang wadon, lanang
kabeh utawa wadon kabeh sing laire bareng.
22)
Grandhel : anak lanang pirang-pirang, sing wuragil
wadon (utawa sewaliki).
23)
Gendhong : anak lanang pirang-pirang, sing tengah
wadon.
24)
Pathok : anak wadon akeh, sing tengah lanang.
25)
Sumarak : anak pirang-pirang, sing lanang luwih akeh.
26)
Gilir kacang : anak akeh, giliran lanang wadon.
27)
Lumpat kidang : anak akeh, ora giliran lanang wadon.
28)
Anggama : anak akeh, sing urip gari siji.
29)
Pembarep : anak sing nomer siji.
30)
Panggulu : anak sing nomer loro.
31)
Pandhadha : anak sing nomer telu.
32)
Sumendhi : kakange sing wuragil.
33)
Waruju, wuragil : anak
sing keri dhewe.
34)
Panenggak : anak nomer loro saka anak lima.
35)
Panengah : anak nomer telu saka anak lima.
36)
Julung caplok : bocah kang laire mbarengi surupe srengenge.
37)
Julung kembang : bocah
kang laire mbarengi mletheking srengenge.
38)
Julung sarab / surup : bocah kang
laire ngarepake srengenge surup.
39)
Julung sungsang : bocah
kang laire wayah bedhug awan.
40)
Jempina : bocah kang laire durung wayahe (prematur).
41)
Margana : bocah kang laire pinuju ibune ing lelungan.
42)
Wahana : bocah kang laire pinuju ibune ing pasamuwan
(pesta).
43)
Wuyungan : bocah kang laire pinuju ibune ana perang
(geger).
44)
Konduran : bocah lair nanging ibune seda.
45)
Thok thing : bocah lair nanging sirahe cilik.
46)
Sumala : bocah cacat kawit lair.
47)
Sungsang : bocah kang laire sikile dhisit.
48)
Kalung usus : bocah kang laire pusere nggubed gulu.
49)
Yatim : bocah kang ora menangi bapake.
50)
Lola (yatim piyatu) : bocah kang
ora duwe bapak ibu
51)
Lola bapak/biyung : bocah kang
ora duwe bapak/biyung.
52)
Jaka : bocah lanang wis dewasa durung mbojo.
53)
Jaka jebug : jaka wis tuwa nanging durung mbojo.
54)
Dhudha : wong lanang sing wis ora duwe bojo.
55)
Dhudha kembang : dhudha
isih enom durung duwe anak.
56)
Dhudha kawuk : dhudha sing wis tuwa.
57)
Dhudha bangsong : dhudha
mlarat lan anake akeh.
58)
Dhudha kalung : dhudha duwe anak wadon sing bisa ngopeni.
59)
Kaki-kaki : wong lanang sing wis tuwa banget.
60)
Prawan : bocah wadon sing wis dewasa durung mbojo.
61)
Prawan sunthi : prawan kencur (prawan cilik).
62)
Prawan gendhor/kasep : prawan sing wis
tuwa durung mbojo.
64)
Randha tanggung : randha sing
isih enom.
65)
Randha kembang/wulanjar : randha
sing isih enom nanging durung mbojo.
66)
Randha kisi : randha sing duwe anak lanang.
67)
Randha kasihan : randha
mlarat duwe anak akeh.
68)
Randha keringan : randha
sing sugih bandha dunya.
69)
Randha menter : randha sing panganggone / nyandhange sarwa
apik/endah.
70)
Nini-nini : wong wadon sing wis tuwa banget.
71)
Nyai, ni : wong wadon sing diajeni.
PRENAHE SEDULUR
1)
Sedulur : sadulur tunggal bapak ibu.
2)
Misanan : sadulur padha embah, nak dulur.
3)
Mindhoan : sedulur tunggal buyut.
4)
Keponakan : anake sedulur tuwa utawa sedulur enom.
5)
Putu : anake anak.
6)
Putu keponakan : anake keponakan.
7)
Paklik (paman) : adhine
bapak utawa adhine ibu (lanang).
8)
Bulik (bibi) : adhine bapak utawa adhine ibu (wadon).
9)
Pakdhe / pakpuh / uwa : kangmase bapak utawa ibu.
10)
Budhe / bupuh / uwa : mbakyune bapak utawa ibu.
11)
Besan : wong
tuwane (bapak ibune) mantu.
12)
Maratuwa : wong
tuwane (bapak ibune) bojo.
13)
Anak mantu : bojone
anak.
14)
Putu mantu : bojone
putu.
15)
Ipe : sadulure
bojo.
16)
Pripean : ipene
sedulur.
17)
Bapak kwalon : bapak
sambungan (dudu bapake dhewe).
18)
Ibu kwalon : ibu
sambungan (dudu ibune dhewe).
19)
Anak kwalon : anak
gawane bojo.
20)
Sadulur kwalon : sedulur seje bapak tunggal ibu, utawa sedulur
seje ibu tunggal bapak.
21)
Sadulur asu : sedulur
tunggal ibu seje bapak.
22)
Bapk/ibu angkat : wong liya (lanang/wadon) sing ngakoni anak.
23)
Anak angkat : bocah
liya sing diakoni anak.
24)
Tunggal banyu : sedulur
tunggal guru.
25)
Tunggal welat : sedulur
tunggal bapak ibu.
Tidak ada komentar:
Posting Komentar